Tijdens de eerste Neijaorsvisite van het Huus van de Taol op zaoterdag 19 januari nam Rieks Siebering afscheid as bestuurslid van het Huus van de Taol en Het Drentse Boek.

Rieks was veul jaoren lid van het bestuur van Het Drentse Boek later ok het Huus van de Taol, is prissentator van Taal aan Tafel in Veeningen, redacteur van de Taolkraant en veural schriever.

Veur zien grote verdiensten veur de streektaal kreeg Rieks as eerste het ereteken van het Huus van de Taol opspeld deur Marga Kool. Het teken is insteld as bliek van erkenning veur lu die zich biezunder onderscheiden hebt wat heur inzet veur de streektaal angiet.