Een beetie later dan wij ewend bint, maar dat komp deur de verhuzing, is de Taolkraant nummer 38 uutekomen.  In dizze kraant bint een bulte foto's van de opening te zien. Dan kuj nog ies bekieken wat er allemaol gangs was. In het Vraogpraotie is dizze keer Mart Brok an de beurte. Hij is stadsdichter van Coevern. Hans Katerberg hef het in zien Dudelk Drents over het glassie zonder voete en in Dat döt mij wat mak Hans Jalvingh er gien geheim dat hij veur ien gedicht een speciale veurkeur hef. De cd-bespreking giet over de neie cd van Luuks Nijsingh. Natuurlijk ontbreekt de leste neigies niet. Aj donateur bint van het Huus van de Taol / Het Drentse Boek kriej de Taolkraant veer keer per jaor thuusestuurd.