Toen Jennegien Elzing-Ensing achttien jaor was gung ze warken bij een boerengezin in Old-Schoonebeek: olde lu die nog warkten en leefden zaos dat vrogger gung.
In die periode (dartiger jaoren van de veurige eeuw) verzamelde Jennegien een schat an wetenswaardigheden en kennis van het olde boerenwark.
Nao heur trouwen in 1944 voedde ze negen kiender op. Om hun, en heur kleinkiender te vertellen over heur herinnerings an vrogger, tiekende ze het olde boerenleven in woord en beeld.
Bij stichting Het Drentse Boek verscheen begun jaoren tachtig dit bizundere boek. En het bleef niet bij een 1e druk! Mar liefst tien herdrukken verschenen der in de loop van de jaoren. Meer dan 12.000 stuks bint der verkocht en daormit is Hoe was ‘t vrogger? het miest verkochte boek bij Het Drentse Boek.
Begun jaoren ’90 verscheen der een tweide boek van Jennegien Elzing-Ensing: Spellegies die wij speulden. Dit boek kun het succes van het eerste boek niet evenaren mar evenzogoed is der een respectabel aantal verkocht.