Home
| Huus Roel Reijntjes esloopt |
|
|
|
| donderdag 22 oktober 2009 | |
  Het huus van Roel Reijntjes an de Krusstraote in Beilen is er niet meer. De in 2003 uut de tied ekomen dichter leut het huus via een legaat nao an de Historische Vereniging in Beilen. Het was bouwvallig en der waren plannen um het te herbouwen en er een cultureel historisch informatie-centrum in te vestigen. Maar dat is jammer genog niet elukt. Gelukkig hew het wark van de schriever nog wel. Ankommend veurjaor komp er bij Het Drentse Boek een dreidelige boekenserie over zien wark uut.
Literatuurhistoricus Henk Nijkeuter schref het boek. In de Boekenweekkraant die verspreid wordt tijdens de komende Drentse Boekenweek van 7 tot 17 november kuj een intiekenbon vienden um het verzameld wark in een cassette te bestellen. De dreidelige boekenserie bestiet uut:
1. Roel Reijntjes ( 1923-2003) / Jonggien an de Beilerstroom.
2. Ik heb nooit het vol geluk verwacht
3. Een aander leven De dreidelige boekenserie in een luxe cassette kost € 65,00 en is bij veuriniekening te bestellen tot 15 januari 2010.
In december wordt er deur de Historische Vereniging in Beilen en het Huus van de Taol een Roel Reijntjes wandelroute prissenteerd. |