De activiteiten van het Huus van de Taol en Het Drentse Boek wordt mit
meugelk maakt deur financiële ondersteuning van de provincie Drenthe.
Home
De zundagmorgen cultureel bij Roelof op de Deel
maandag 05 oktober 2009
Mit dizze woorden verwelkomde gastheer Gezinus Omvlee de bezukers van de eerste Taal an Taofel in Sleen. Umendebij 70 meinsen waren ofkomen op dizze activiteit die organiseerd wordt door het Huus van de Taol in Beilen en STEM uut Emmen in Theater De Deel in Sleen.
As eerste gast introduceerde Gezinus schriever/dichter Gerard Nijenhuis. Hij las een koppel gedichten veur, diels in het Nederlands en diels in het Drents. Tussendeur vertelde hij over zien biezundere relatie mit schriever/kunstenaar Hans Heyting.
Vervolgens weur de microfoon overdragen an Jan Germs. Hij las een paar verhalen veur die deur de bezukers zeer waardeerd weurden.
De muzikale inbreng weur verzorgd deur Martijje Lubbers. Mit heur zuvere stem bracht ze enkele nummers ten geheure waoronder een gedicht van schriever Anne Doornbos die as ok in de zaal zat.
Daorna hadden de bezukers de gelegenheid um zich tegoed te doen an het warme buffet mit o.a. rolladeschijven, opgebakken eerpels, rooie kool en sperzieboonties.
Na de lunch leuten Jan Germs, Gerard Nijenuis en Martijje Lubbers opnei heur wark heuren.
Al mit al kan zegd worden dat dizze eerste Taal an Taofel in Sleen zeer succesvol was. De bezukers gungen dan ok zeer tevreden op huus an.
De volgende Taal an Taofel in Sleen is op zundag 1 november.
Aj niet zo lang wachten kunt dan kuj op 11 oktober in Veeningen en op 18 oktober in Norg terechte.
Mit dizze woorden verwelkomde gastheer Gezinus Omvlee de bezukers van de eerste Taal an Taofel in Sleen. Umendebij 70 meinsen waren ofkomen op dizze activiteit die organiseerd wordt door het Huus van de Taol in Beilen en STEM uut Emmen in Theater De Deel in Sleen.
