Home
| Minnezinne, Drentse erotische poëzie |
|
|
|
| zondag 12 april 2009 | |
 In de neie Drentstalige gedichtenbundel Minnezinne van Delia Bremer en Ria Westerhuis, die op 16 april verschient, staot erotiek, liefde, fantasie en verlangen in het middelpunt.
Het boek bevat ongeveer vieftig gedichten met een verrassend thema, maar het giet uuteindelijk bij poëzie um de taal en de beleving daorbij. Gien straotpraot, maar wel fantasie en subjectieve ervarings.
 Maar het is nou veur het eerst dat twee vrouwen een poëziebundel mit dit thema verschienen laot. Het Drentse Boek gef mit de uutgave van dizze bundel an dat ok in de Drentse poëzie elk thema centraal staon kan en tot zien recht komen kan.  
Delia Bremer (1969) is al vanof heur elfde jaor an het schrieven, dichten en tieken. Zij hef een paar boeken in eigen beheer uutegeven en schreef ok liedteksten veur de SDMM (Stichting Drentse Muziek Maatschappij) Ria Westerhuis (1959) schreef gedichten en liedteksten veur Geert Jan Brader en de SDMM. Zij hef publiceerd in Roet.Minnezinne giet over zin in minne, maar ok over zinnen over de liefde en erotiek.
Vanof 17 april veur € 11,50 verkriegbaar in de Drentse Boekhandels of via de webwinkel van Het Drentse Boek.
|