Home
| Vangst zunder net |
|
|
|
| woensdag 04 maart 2009 | |
 Op vrijdag 13 meert is in het programma van De Literaire Hemel in Amen de dichtbundel Vangst zunder net van Klaas Koops prissenteerd. De prissentatie was een onderdeel van het programma van De Literaire Hemel.
Klaas Koops hef het 1e exemplaar van zien bundel anelangd an Erik van Oosterhout, burgemeester van de gemiente Aa en Hunze.
In de neie gedichtenbundel van Klaas Koops is een aander soort poëzie te lezen as in zien debuut, Het pad weerum. Daor was veural weemoed te vienden in de gedichten, die veurnamelijk anecdotisch bleven. Koops hef as dichter dudelijk een ontwikkeling deuremaakt. In de gedichten kan de geïnteresseerde lezer meer laogen vienden, ze bint op meerdere manieren te lezen. Dat mak de poëzie spannender. De gedichten laot meer vraogen bij de lezer onbeantwoord, er is gien vangnet dat daor veur zorgt. Gao daor zölf mar naor op zuuk, zoals de schriever dat ook mut. Ook in dizze bundel bint een paar gedichten te vienden naor anleiding van een concrete situatie of gebouw, zoals de Meule Jantina. En ook is er een aantal dat een reactie is op bekende gedichten, een eigen invulling van bijveurbeeld Ik heb een steen verlegd in een rivier op aarde. Daorvan gef Koops een eigen interpretatie. Maar de meeste gedichten koomt uut zien gedachten voort, waor de lezer even naor mag kieken en er dan zölf mit wieder mut. Een ontwikkeling waor Koops trots op mag wezen. En die naost zien vaste lezerspubliek, vaste neie lezers antrekt.
   Het is boek is in de Drentse boekhandels ( en natuurlijk via de website van Het Drentse Boek) vanof 14 meert te koop veur € 11,50.
|