Anne Doornbos is in 1948 op Erica geboren en gruide op de boerderij van zien olders op. Hij studeerde nao de HBS in Grunning en in Nijmegen. Warkte in het jongerenwark in Emmercompas en Emmen en was directeur van een welzijnsinstelling in Heerenveen, waor hij overstapte naor de gemiente. Hij is nou gemientesikketaoris van de gemiente Noordenveld en woont in Een.
Anne Doornbos is veurzitter van het Huus van de Taol.

Jan Germs is geboren in 1954 in Oring. Zie hadden daor een schoel en een voetbalclub en die waren allebei belangriek veur de kleine börzel van Griet Snoeijing en Jan Germs sr. Hij gruide op met 't Drèents. Zien pap was een Veenkoloniaal en zien mam een Oringer. Hij prat noe nog altied zien mooudertaol. Hij gung naor de ULO in Börger en laoter naor de HBS in Emmen. Daornao hef e op de PA gaon om schooulmeester te worden. In 2002 is e streektaolfunctionaoris worden bij Stichting Drentse Taol. Vanof 2007 is e directeur van het Huus van de Taol in Beilen.

Geboren in Assen. Bracht daor en vanof 1967 zien jongensjaoren deur in Grolloo. Vanof 1970 fan van de daor residerende Cuby & The Blizzards. Studeerde nao de middelbaore schoel sociale geografie, Nederlands en Russisch in Grunning. Woont nou in het Grunningse Rasquert.

Johannes Heyting weur geboren an de Beilervaort, vlak bij Beilen. Gruide op in een arm streng gerifformeerd gezin. Butenbeentie Hans, lichamelijk gehandicapt, mit een ofkeer van de verstikkende sfeer op de gerifformeerde schoel, vervrömde nao de dood van zien vader.

Klaas Kleine weur geboren in Koldervene en is opgruid in Möppel. Hij zat twei jaor op de ambachtsschoel en kwam daorna, nao allerlei baanties, bij zien va in de smidderije. Verbouwde in 1966 in Diever een bouwval tegenover de kark töt woonhuus/smidderije.

Jannie Kok-Wolbers

Jannie Kok-Wolbers is geboren in Elp. Sinds heur huwelijk woont ze in Runen.

Marga Kool

Marrigje Macheltje Kool. Geboren in Beekbergen, opgruid in Brabant, Twente en vanof heur 12e in Zuudwolde. Woont nou in Hoogeveen.

Klaas Koops

Klaas Koops is geboren op opgruid in Assen. Studeerde organisatiepsychologie. Sinds 1990 bestuursveurzitter van het ROC Friesland College. Woont in Schipbörg.

Lukas Koops

Geboren en woonachtig in Grolloo. Studeerde nao de middelbaore schoel Nederlands en Frans an de lerarenopleiding in Leeuwarden. Achttien jaor leraar Nederlands in Emmen. Van 1982 töt 1987 gemienteraodslid van Rolde; van 1987 töt 1995 lid van de Provinciale Staten van Drenthe veur Groen Links. Gung daornao vurt bij het underwies en politiek en weur programmamaker bij RTV Drenthe.

Martin Koster

Martin Gert Koster weur in Avereest geboren in een krudeniersgezin dat in 1968 naor ’t Hoogevene verhuusde. Nao de middelbare schoel studeerde hij Nederlaands in Grunning. Op het Neder-Saksisch Instituut kreeg hij belangstelling veur streektaol en streektaolliteratuur.

Gerrit Kuipers weur geboren in Schoonoord en is opgruid in Westerbörk. Was daor gemienteambtenaar. Later ambtenaar in Börger en vanaof 1966 in Hardenberg referendaris ter secretarie töt zien pensionering. Woonde van 1985 töt 2001 in Slien en vanaof die tied in Möppel.

Huib D. Minderhoud

Huib D. Minderhoud werd geboren op 16 mei 1932. Hij was van 1959 tot 1988 heufd/directeur van de Mijndert van der Thijnenschool in Coevorden. Gedurende dizze periode ontwikkelde zich zien veurliefde veur regionale geschiedenis en voor het Coevordens- en Drents-eigene.

Gerard Nijenhuis

Gerard Nijenhuis is geboren in Gieten daoras zien vaoder burgemeister was. Tweitaolig opvoed. Op de hbs in Assen leerde hij zien grote veurbielden Nijhoff en Achterberg kennen.

Henk Nijkeuter

Dr. Henk Nijkeuter is geboren in 1956 in Gieten en hef Nederlands, geschiedenis en archivistiek studeerd. In 2001 promoveerde e aan de Rijksuniversiteit Grönning op het proefschrift "De 'pen gewijd aan Drenthe's dierbren grond'". Literaire bedrijvigheid in de Olde Lantschap, 1816-1956.

Jans Polling

Geboren en opgruid in Borger daoras zien olde lu een café hadden. Bezöcht nao de ulo de kwiekschoel in Coevorden. Weur underwiezer in Drachten. Behaalde underwiel de m.o.-akten handveerdigheid en kuunstgeschiedenis. Sunds 1973 parttime leraor veurtgezet underwies in Stadskanaal. Betrök in 1975 het olderlijk hoes in Borger.

Roel Reijntjes

Roel Reijntjes weur geboren in Beilen. Vader was een man van anzien: directeur van de elektriciteitscentrale; commandant van de braandweer en veurzitter van de voetbalveriening; moeder was ofkomstig uut een Börks caféholdersgezin. Van jongs of an was hij een ienling, in kleding en gedrag aans as zien dörpsgenoten. Bleef zien hiele leven wonen in zien olderlijk huus. Zörgde veur zien moe töt an heur dood in 1978.

Miek Roelfsema

Miek Roelfsema-van der Wissel studeerde geschiedenis in Grönning en promoveerde in april 2006 op eigen initiatief tot doctor in de Medische Wetenschappen. De titel van heur proefschrift luidde: De gezondheidszorg in de Noord-Nederlandse koloniën van de Maatschappij van Weldadigheid tussen 1818 en 1859.

Roel Sanders weur in 1937 in Exloo geboren en woonde er tot zien achttiende jaor. Van beroep is hij natuurkundige en wieder is hij actief as amateurhistoricus. Roel Sanders woont in het Grönningse Zuudwolde, maar hij holdt belangstelling veur de geschiedenis van zien geboorteprovincie

Suze Sanders

Suze Sanders is geboren as Albertien Hof in Goes in een Drents gezin. Gruide op in Rotterdam en Pijnacker. Heurde Drents praoten deur olders en femilie. Nao de hbs eerst een jaor pabo, daornao studie directiesecretaresse. Warkte bij scheepvaortmaatschappijen, eerst in Rotterdam, later in Oslo. Gung daornao in Grunningen Noors studeren.

Geboren en opgruid in Nei-Baolinge, daoras zien vao heufd van de schoel was. Nao de middelbare schoel hen de kwiekschoel in Coevern, waor de leraar Nederlands hum in contact bracht mit moderne Nederlandse poëzie. In 1964 underwiezer op een schoel veur speciaal underwies in Hoogeveen. Vanaf 1975 directeur, vanof 1998 bovenschools directeur bestuurszaken en sinds 2004 mit pensioen.

Gerard Stout werd geboren in Emmen in 1950. Hij gaf nao zien studie scheikunde in Grönnen en jaor of wat les in Zambia. Tegenwoordig warkt e as docent bij de Noordelijke Hogeschool in Leeuwarden .
Gerard Stout schref al vanof 1985 körte verhaolen, mit name in het tiedschrift Roet. Hij is ien van de miest productieve schrievers van Drenthe.
Vanof 1987 besprek Gerard Stout dialectliteratuur veur het Dagblad van het Noorden.

Lambertus Henderikus Hadderingh. Geboren en opgruid in Gasselte. Verhoesde veurgoed naor Gasselternijeveen. Namp het tummermansbedrief van zien vaoder over, verkocht dat in 1959 en gung in loondienst. Trouwde mit Martha Veenstra (an heur achternaom ontliende hij zien pseudoniem). Samen mit heur correspondent plaotselijk neis veur regionaole kraanten en weekbladen. Begunde tiedens een langdurige herstelperiode nao een bedriefsongeval te schrieven.

Jan Veenstra

Is geboren en opgruid in Noordscheschut. Sleut een turbulente schoelloopbaan in het veurtgezet onderwies of mit een mts-bouwkundediploma. Speulde trompet in het plaatselijk muziekcorps en in körtlevende rock ’n rollbandties.

Peter van der Velde

Petrus van der Velde weur in het Grunningse Vlagtwedde geboren as zeun van een Drentse moeder en een Grunningse vader (bakker) en gruide op in het Noord-Drentse Roden. Nao de middelbare schoel en de rijkskweekschoel was hij enkele jaoren kantoorbediende in Roden en Grunning. Vanaof 1944 underwiezer in Steenbergen, Roden en vervolgens 25 jaor heufd van de schoel in Roderwolde.

Roelie de Weerd

Roelie de Weerd is in 1942 geboren op een boerderij in Eemster. Nao heur studie an de Hogere Tuunbouwschoel vertrök ze naor Australië, waor ze as gruunontwarpster en as hulp op een schaopenfarm warkt hef. Terugge in Nederland gaf ze les an de laegere Tuunbouwschoel in Delft. Daornao woonde ze enkele jaoren in Portugal en Indonesië. In 1986 gung ze terugge naor heur wortels in Drenthe. Nou woont ze in Amersfoort.