Vanof de jaoren zestig van de veurige eeuw hef Max Douwes warkt an het overzetten van het Nieuwe Testament in de Nedersaksische gedachtenwereld. Begrippen en uutdrukkings die ver van oonze cultuur ofstaot hef Max Douwes dichterbij bracht deur ze in oonze eigen traditie te plaotsen. Zo wordt er bijv. niet over 'dorpsplein' spreuken, maor over 'brink'. Umreden van het gebruuk van dit soort woorden sprak Max Douwes over een hertaoling i.p.v. een vertaoling. De Staotenvertaoling is overigens vrij nauwgezet volgd. De warkgroep 'Drentstalige Kerkdiensten' kreeg in 2003 de beschikking over het manuscript. Twee leden van deze werkgroep t.w. Jennie Lambers en Frits Rosenbaum hebt het geheel overzet in de neie Drentse spelling. Dankzij steun van de provincie Drenthe en van Stichting Drentse Taol is de uutgave tot stand komen.