De novelle vertelt de geschiedenis van de mooiste, mar ok de miest tragische en miest bespreuken kus van een Drents dörp. Niet zomar een smok, nee een échte kus, vol hartstocht en passie! Een kus, die mitien ok de teloorgaank van de oldste tenielvereniging uut de regio inluudde. En dat nog wel op het moment, dat het jubileum op grandioze manier evierd zul worden.
Verscheiden lu, direkt betrökken bij het prachtige drama beschrieft de ongewone gebeurtenissen vanuut heur eigen perspectief: de ien vol humor, de aander vol bitterheid. Het zoer, het zuut, de bliedschop en het leedvermaak: het is een verhaal over de liefde, en over de Drentse samenleving daorumhen