|
woensdag 14 juli 2010 |
Het kantoor van het Huus van de Taol / Het Drentse Boek
is wegens vekaansie dichte van 26 juli tot en met 6 augustus 2010 |
|
|
|
dinsdag 08 juni 2010 |
  Iederiene die vanof 15 juni het boek Marloek, Oek en Anderen koch, kreg der veur dezelfde pries een dvd bij!! Op dizze dvd kuj de film zien die van het verhaal emaakt is. Het boek inclusief dvd is in alle Drentse Boekhandels verkriegbaar en ok via de webwinkel van Het Drentse Boek.
|
|
|
vrijdag 04 juni 2010 |
Veur wie dit jaor op zuuk is naor een jubileumkedo, een relatiegeschenk of kerstattentie hew een machtig mooie anbieding! Een warme winter is een boek mit gedichten, handige weetjes, knutseldingen, uutdrukkings en gezegden, tradities en gebruken rondum de winterse feestdagen: Sint Meerten, Sunterklaos, Karstdagen, Old en Nei, Dreikeuningen,
Carnaval en Valentijnsdag. Het boek hef 96 bladzieden en is geschikt veur jong en old.
|
|
Lees meer...
|
|
|
woensdag 19 mei 2010 |
  Vanof 20 mei is de pries van het boek Turfstekers in Oranje in pries verleegd. Mit de Wereldkampioenschappen Voetbal in het veuruutzicht denke wij dat dit boek oe aangebaam kan verpozen aj zit te wachten op de voetbaluutzendings. De neie pries is € 5,00. Te koop in de Drentse boekhandels en via de webwinkel van Het Drentse Boek. |
|
|
dinsdag 11 mei 2010 |
 Vanof volgende weke bint der e- readers te huur in de bibliotheken. Een e-reader is bedoeld veur het lezen van digitale boeken. Veur vief euro per weke kunt de leden de e-reader maximaal twee weken huren. Op de e-reader staot naost romans, detectives en een jeugdboek ok een Drents boek!
|
|
|
donderdag 22 april 2010 |
 
Op de schrieversdag bij Meursinge in Westerbork is zaoterdag 24 april het boek Angst en Verlangst prissenteerd. Elf Drentse schrievers en dichters hebt nao de veurige schriefwedstried een schriefclub evormd. Zij kwamen geregeld bij naor het Huus van de Taol um mekaars wark te bespreken.Nou bint heur verhalen en gedichten ebundeld. Het boek wordt uutegeven deur Het Drentse Boek, kost € 9,95 en is verkriegbaar in de Drentse Boekhandels.
|
|
Lees meer...
|
|
|
vrijdag 16 april 2010 |
 Op vrijdag 16 april is de dreidelige serie over Roel Reijntjes prissenteerd in zalencentrum Muller in Beilen. Samensteller Henk Nijkeuter is vief jaor drok bezig ewest um het boekwark tot stand te brengen. De drei delen bestaot uut de biografie mit bibliografie, alle gedichten van Roel Reijntjes en een keuze uut zien verhalen. Speciale prissentatie was in haanden van Marga Kool die alle onderdelen an mekaar breide. Van de prissentatie is een filmpie emaakt.
|
|
Lees meer...
|
|
|
donderdag 15 april 2010 |
  
Op 16 april komp de driedelige serie over Roel Reijntjes uut. Het boek wordt prissenteerd in Beilen, maar dat sprek vanzelf. De serie is samenesteld deur Henk Nijkeuter en bestiet uut alle gedichten van Roel Reijntjes, een keuze uut zien verhalen en een bibliografie.
|
|
Lees meer...
|
|
|
vrijdag 09 april 2010 |
Op 9 april is de de neie Nederlandstalige roman De dag dat vader verdween van Gerard Nijenhuis uutekomen. Het is een verhaal dat in de Tweede Wereldoorlog speult in een Drents dorp op de Hondsrug. De raadzaol vet het gemientheuus in Exel zat bomvol. De eerste exemplaren wordden anebeuden an burgemeester Out en an wetholder Bruintjes van de gemiente Borger- Odoorn. Veur de boektrailer en de foto's kuj hieronder verder kieken.
|
|
Lees meer...
|
|
|
donderdag 11 maart 2010 |
 In een speciaal gerisserveerde coupé in de trein van Assen naor Meppel wordde op woensdag 10 meert de neiste bundel van Martin Koster prissenteerd. Het eerste exemplaar van Hotel an 't spoor was veur John B. Vorenkamp. Jan Klinkenberg zorgde veur de muzikale ondersteuning en bij La Porte in Meppel wordde nog even nao-epraot over dizze bezundere prissentatie.
|
|
Lees meer...
|
|
|
dinsdag 02 maart 2010 |
  Op 6 april zul schriever Gerard Stout te gast wezen in Zalencentrum Muller ( De Paltz 7) in Beilen. Wegens te weinig anmeldings is dizze bijienkomst jammer genog of-elast
|
|
Lees meer...
|
|
|
woensdag 24 februari 2010 |
 Hotel an ’t spoor
het de neie bundel van Martin Koster, die uutkomp op 10 meert 2010. Hotel an ’t spoor gef een overzicht van de dartig jaor dat Martin dicht in ’t Drèents. Een diel van de gedichten is eerder publiceerd in het Drents letterkundig tiedschrift Roet en in verschillende bundels mar der stiet ok nei wark in zoas bv. de gedichten Mien god wodan, Crackfree en Hotel an ’t spoor.
Het boek is vanof 11 meert veur € 12,50 te koop in de Drentse boekwinkels en via de webwinkel van Het Drentse Boek.Um te bestellen kuj hier klikken.
|
|
|
dinsdag 23 februari 2010 |
 Ter ere van het twintigjaorig bestaon van de Historische Vereniging Beilen bint der twee Roel Reijntjes-rondwandelings (2 km en 6 km) samenesteld. De routes gaot langs allerlei plekkies die herinnert an Roel Reijntjes. De twee routes bint te koop bij het winkeltie bij station in Beilen en bij het Huus van de Taol. Zij kost € 3,50. In april komt de dreidelige cassette uut mit verhalen en gedichten van Roel Reijntjes. Blief dizze webstee volgen dan weej precies wanneer ie in de winkel lig.
|
|
|
zaterdag 20 februari 2010 |
 Jennegien Elzing-Ensing is op 91-jaorige leeftied uut de tied ekomen in Verpleeghuus Clara Feyoena Heem in Hardenberg.
Jennegien Elzing-Ensing is niet meer onder oens. Mar ze leeft voort in de boeken die as ze schreven hef: Hoe was ‘t vrogger? en Spellegies die wij speulden.
Wij weinst kinder, klein- en achterkleinkinder veul starkte mit het verlies van heur moeder, oma en overgrootmoeder.
|
|
Lees meer...
|
|
|
zondag 14 februari 2010 |
 Binnen het jaor is de bundel Minnezinne van Delia Bremer en Ria Westerhuis uutverkocht! Reden veur Het Drentse Boek um een tweede druk te laoten maken. Meer goed neis veur Minnezinne: het stiet op de kortliest veur de Streektaolpries van het Dagblad van het Noorden.In het radioprogramma Podium 30 bint zundag 14 febrewari de kortliesten
veur de Streektaolpries van het Dagblad van het Noorden bekend emaakt
deur Pieter Sypersma. De pries wordt jaorlijks toeekend an het beste
boek, cd of dvd in ien van de streektalen binnen het
verspreidingsgebied van het Dagblad van het Noorden. Aj 't boek bestellen wilt moej hier klikken.
|
|
Lees meer...
|
|
|
vrijdag 29 januari 2010 |
 Maar liefst veer bundels van Het Drentse Boek / Huus van de Taol staot op de lange lieste veur de Streektaolpries van het Dagblad van het Noorden: Minnezinne van Ria Westerhuis en Delia Bremer, Nörger Törfies van Willem Pol, Dörpsstraot, oes dörp, het boekenweekkedo van Jan Veenstra en Ton Peters en Vueltaol het Spaans-Drentse woordenboekie van Jan Germs e.a. En bij de muziekofdeling stiet oonze huusmuzikant Geert Jan Brader noteerd mit zien cd: Nog zoveul doen.Half febrewari wordt de korte liest bekend emaakt. Veur meer informatie kuj hier klikken.
|
|
|
donderdag 07 januari 2010 |
Literatuurhistoricus Henk Nijkeuter hef een driedelige boekenserie samenesteld van het wark van Roel Reijntjes. De serie komp uut in april van dit jaor. Vanof november 2009 kuj al inschrieven op een luxe cassette waorin dizze drie boeken eplaatst bint. De cassette kost € 65,- en de inschriefperiode eindigt op 15 januari 2010.
|
|
Lees meer...
|
|
|
dinsdag 15 december 2009 |
Op neijaorsdag kuj bij RTV Drenthe de film van Oek bekieken. De fim is emaakt naor anleiding van het boek Marloek, Oek en Anderen. Dat boek kuj bestellen via de webwinkel van Het Drentse Boek of ie koopt het in een Drentse Boekhandel.
|
|
|
zaterdag 28 november 2009 |
Peter Schaap, de schriever van het spannende boek Akan van het Hunebed, kreg op 13 december in het Themapark Archeon in Alphen aan de Rijn de Archeon Oeuvrepries veur Fantastische literatuur. Peter Schaap hef al diverse romans en historische boeken uutegeven veur zowel jeugd as volwassen. Wij feliciteert Peter natuurlijk van harte!
Aj het boek Akan van het Hunebed wilt bestellen kuj hier klikken.
|
|
|
zaterdag 07 november 2009 |
 Zaoterdag 7 november is, in het kader van de Drentse Boekenweek, de Schrieverstoer van start gaon. De mitwarkers verzamelden zich um 9.00 uur in het Huus van de Taol in Beilen. Veur de miesten was dit wel wat vrog umdat ze de aovend erveur het schrieversfeest bijwoond hadden.
Nao een paar koppen starke koffie weur de apparatuur en het promotiemateriaal inpakt in de bus van het Gevangenismuseum uut Veenhuzen. Nog een leste foto veur de bus en de Schrieverstoer was lös.
|
|
Lees meer...
|
|
