|
dinsdag 02 maart 2010 |
  Op 6 april is schriever Gerard Stout te gast in Zalencentrum Muller ( De Paltz 7) in Beilen. Gerard Stout zal worden interviewd deur Albert Haar en les veur uut eigen wark. Ok kuj vraogen stellen an de schriever. Martijje! en Rob Elferink zorgt veur de muziek .
|
|
Lees meer...
|
|
|
woensdag 24 februari 2010 |
 Hotel an ’t spoor
het de neie bundel van Martin Koster, die uutkomp op 10 meert 2010. Hotel an ’t spoor gef een overzicht van de dartig jaor dat Martin dicht in ’t Drèents. Een diel van de gedichten is eerder publiceerd in het Drents letterkundig tiedschrift Roet en in verschillende bundels mar der stiet ok nei wark in zoas bv. de gedichten Mien god wodan, Crackfree en Hotel an ’t spoor.
Het boek is vanof 11 meert veur € 12,50 te koop in de Drentse boekwinkels en via de webwinkel van Het Drentse Boek.
|
|
|
dinsdag 23 februari 2010 |
 Ter ere van het twintigjaorig bestaon van de Historische Vereniging Beilen bint der twee Roel Reijntjes-rondwandelings (2 km en 6 km) samenesteld. De routes gaot langs allerlei plekkies die herinnert an Roel Reijntjes. De twee routes bint te koop bij het winkeltie bij station in Beilen en bij het Huus van de Taol. Zij kost € 3,50. In april komt de dreidelige cassette uut mit verhalen en gedichten van Roel Reijntjes. Blief dizze webstee volgen dan weej precies wanneer ie in de winkel lig.
|
|
|
zaterdag 20 februari 2010 |
 Jennegien Elzing-Ensing is op 91-jaorige leeftied uut de tied ekomen in Verpleeghuus Clara Feyoena Heem in Hardenberg.
Jennegien Elzing-Ensing is niet meer onder oens. Mar ze leeft voort in de boeken die as ze schreven hef: Hoe was ‘t vrogger? en Spellegies die wij speulden.
Wij weinst kinder, klein- en achterkleinkinder veul starkte mit het verlies van heur moeder, oma en overgrootmoeder.
|
|
Lees meer...
|
|
|
zondag 14 februari 2010 |
 Binnen het jaor is de bundel Minnezinne van Delia Bremer en Ria Westerhuis uutverkocht! Reden veur Het Drentse Boek um een tweede druk te laoten maken. Meer goed neis veur Minnezinne: het stiet op de kortliest veur de Streektaolpries van het Dagblad van het Noorden.In het radioprogramma Podium 30 bint zundag 14 febrewari de kortliesten
veur de Streektaolpries van het Dagblad van het Noorden bekend emaakt
deur Pieter Sypersma. De pries wordt jaorlijks toeekend an het beste
boek, cd of dvd in ien van de streektalen binnen het
verspreidingsgebied van het Dagblad van het Noorden. Aj 't boek bestellen wilt moej hier klikken.
|
|
Lees meer...
|
|
|
vrijdag 29 januari 2010 |
 Maar liefst veer bundels van Het Drentse Boek / Huus van de Taol staot op de lange lieste veur de Streektaolpries van het Dagblad van het Noorden: Minnezinne van Ria Westerhuis en Delia Bremer, Nörger Törfies van Willem Pol, Dörpsstraot, oes dörp, het boekenweekkedo van Jan Veenstra en Ton Peters en Vueltaol het Spaans-Drentse woordenboekie van Jan Germs e.a. En bij de muziekofdeling stiet oonze huusmuzikant Geert Jan Brader noteerd mit zien cd: Nog zoveul doen.Half febrewari wordt de korte liest bekend emaakt. Veur meer informatie kuj hier klikken.
|
|
|
donderdag 07 januari 2010 |
Literatuurhistoricus Henk Nijkeuter hef een driedelige boekenserie samenesteld van het wark van Roel Reijntjes. De serie komp uut in april van dit jaor. Vanof november 2009 kuj al inschrieven op een luxe cassette waorin dizze drie boeken eplaatst bint. De cassette kost € 65,- en de inschriefperiode eindigt op 15 januari 2010.
|
|
Lees meer...
|
|
|
dinsdag 15 december 2009 |
Op neijaorsdag kuj bij RTV Drenthe de film van Oek bekieken. De fim is emaakt naor anleiding van het boek Marloek, Oek en Anderen. Dat boek kuj bestellen via de webwinkel van Het Drentse Boek of ie koopt het in een Drentse Boekhandel.
|
|
|
zaterdag 28 november 2009 |
Peter Schaap, de schriever van het spannende boek Akan van het Hunebed, kreg op 13 december in het Themapark Archeon in Alphen aan de Rijn de Archeon Oeuvrepries veur Fantastische literatuur. Peter Schaap hef al diverse romans en historische boeken uutegeven veur zowel jeugd as volwassen. Wij feliciteert Peter natuurlijk van harte!
Aj het boek Akan van het Hunebed wilt bestellen kuj hier klikken.
|
|
|
zaterdag 07 november 2009 |
 Zaoterdag 7 november is, in het kader van de Drentse Boekenweek, de Schrieverstoer van start gaon. De mitwarkers verzamelden zich um 9.00 uur in het Huus van de Taol in Beilen. Veur de miesten was dit wel wat vrog umdat ze de aovend erveur het schrieversfeest bijwoond hadden.
Nao een paar koppen starke koffie weur de apparatuur en het promotiemateriaal inpakt in de bus van het Gevangenismuseum uut Veenhuzen. Nog een leste foto veur de bus en de Schrieverstoer was lös.
|
|
Lees meer...
|
|
|
zaterdag 07 november 2009 |
  Vrijdagaovend 6 november was het zowied! Op het Koopmansplein in Assen weur de Drentse Boekenweek 2009 lösdaon mit een spetterend optreden van de rappers D.A.B. en DESMO, host Desean en de breakdancers Unknown People.
Het pebliek bestun uut een flinke koppel Drentse schrievers mar ok winkelend publiek bleef staon um te kieken wat er te doen was. De Assenaren kan niet ontgaon wezen dat de Drentse Boekenweek lös is want Warenhuis Vanderveen har het de hiele aovend op zien lichtkraant staaon.Veur meer neis over de Boekenweek kuj hier klikken.
|
|
Lees meer...
|
|
|
donderdag 22 oktober 2009 |
  Het huus van Roel Reijntjes an de Krusstraote in Beilen is er niet meer. De in 2003 uut de tied ekomen dichter leut het huus via een legaat nao an de Historische Vereniging in Beilen. Het was bouwvallig en der waren plannen um het te herbouwen en er een cultureel historisch informatie-centrum in te vestigen. Maar dat is jammer genog niet elukt. Gelukkig hew het wark van de schriever nog wel. Ankommend veurjaor komp er bij Het Drentse Boek een dreidelige boekenserie over zien wark uut.
|
|
Lees meer...
|
|
|
donderdag 15 oktober 2009 |
 Op donderdag 15 oktober 2009 werd in het Brinkhotel in Zuidlaren het boek De Zuidlaardermarkt gepresenteerd. Eerste exemplaren waren er voor Commissaris van de Koningin Jacques Tichelaar en de kunstschilders W. Vaarzon Morel en Sophia Heeres. De genodigden waren enthousiast over het boek dat vanaf vandaag te koop is in de Drentse Boekhandels en via de webwinkel van Het Drentse Boek.
|
|
Lees meer...
|
|
|
maandag 05 oktober 2009 |
 Mit dizze woorden verwelkomde gastheer Gezinus Omvlee de bezukers van de eerste Taal an Taofel in Sleen. Umendebij 70 meinsen waren ofkomen op dizze activiteit die organiseerd wordt door het Huus van de Taol in Beilen en STEM uut Emmen in Theater De Deel in Sleen.
|
|
Lees meer...
|
|
|
donderdag 01 oktober 2009 |
 Op donderdag 1 oktober overhandigde schriever Gerard Stout namens het Huus van de Taol/ Het Drentse Boek 250 exemplaren van zien novelle In Paradisum an het bestuur van de Literatuurclubs Drenthe. Het is een kedogie veur de literatuurclubs, die volgend jaor heur 40 jaorig jubileum viert.
De literatuurclubs hebt op dit moment bijna 2500 lezers die in kleine leesgroepen over de hele provincie elk jaor vier boeken leest en bespreekt.
Dit seizoen kriegt ze er de streektaalnovelle In Paradisum bij.
|
|
Lees meer...
|
|
|
zaterdag 19 september 2009 |
  Op vrijdag 18 september, zo rond half achte, kwamen ze in oldtimers an bij het Hunebedcentrum in Borger: de heufdrolspeulers uut de film Oek. Zoas Lukas Koops in zien praotie later memoreerde: Het komp niet vaak veur dat een boek en een film over het boek op dezelfde dag prissenteerd wordt.
|
|
Lees meer...
|
|
|
donderdag 10 september 2009 |
 Dit seizoen wordt er op drei plekken Taal aan Taofel organiseerd! Naost het vertrouwde adres van Poortman in Veeningen en De Klokbeker in Norg zal nou ok in Slien in De Deel van Roelof Klinkhamer veer keer Taal aan Taofel worden eholden. Prissentatie hier in haanden van Gezienus Omvlee.
|
|
Lees meer...
|
|
|
woensdag 09 september 2009 |
 Op vrijdag 18 september verschijnt bij Het Drentse Boek het nieuwste boek van Hein Klompmaker: Marloek, Oek en Anderen. Het is een Nederlandstalig kinderboek en zal behalve in het Hunbedcentrum in Borger te koop zijn in de Drentse Boekhandels. De prijs is € 9,95
ISBN 978 90 6509 320 2
|
|
Lees meer...
|
|
|
dinsdag 08 september 2009 |
 Zuidlaardermarkt- schilderijen, verhalen en geschiedenis is de titel van een boek over de Zuidlaardermarkt. Auteur is Jan Kraak met medewerking van Remmelt Booij. Het fraai uitgevoerde en rijk geïllustreerde boek heeft 192 pagina's in kleurendruk. Het boek is bij voorintekening te bestellen voor de speciale prijs van € 21,50. Na de Zuidlaardermarkt (20 oktober) kost het boek
€ 25,00.Wilt u het boek bestellen stuur dan een
Dit e-mail adres is beschermd door spambots, u heeft Javascript nodig om dit onderdeel te kunnen bekijken
Vermeld op deze e-mail uw postadres. Wij nemen t.z.t. contact met u op.
|
|
Lees meer...
|
|
|
donderdag 03 september 2009 |
 In restaurant 'De Klokbeker' in Norg is op 3 september het boek Nörger Törfies van Willem Pol uutekomen. Het eerste exemplaar werd anebeuden an een verraste Harm Soegies. Willem Pol had veul ehad an de cursus die Harm ooit an hum egeven had. Namens Het Drentse Boek deed Joop Fidom het woord en de muzikale ondersteuning kwam van Harry de Geeter. De koffie gung vergezeld van ... Nörger Törfies en nao ofloop kun iederien nog even bijkletsen onder het genot van een happie en een draankie.
|
|
Lees meer...
|
|
